في لفتة تعكس أسمى معاني العرفان والوفاء، وجه المطرب عمر كمال رسالة مؤثرة إلى الفنان محمود الليثي، ليقطع بها الطريق أمام محاولات الوقيعة أو تعكير صفو علاقتهما، واصفاً إياه بـ "الأب والداعم الأول" الذي احتضن بداياته الفنية.
وقال كمال في رسالته التي نشرها عبر حسابه :"ده أبويا اللي رباني، ومحدش يعرفني أكثر من اللي رباني، ده اللي نزلت القاهرة عيل صغير تايه في المجال بين حيتان الشغلانة وقف جنبي وأداني زقة و2 و10 .. ولما كبرت في الشغلانة وقولتله وقفني جنبك أغني معاك، قاللي تعالى جنبي وأداني من جمهوره وشهرته ونجاحه".
وتابع كمال مؤكداً متانة العلاقة التي تجمعهما وحصانتها ضد الشائعات:"مهما يحصل ومهما يعمل لا عمري أزعل منه ولا عمري أشيل جوايا ذرة زعل في قلبي ناحيته.. ومهما ناس قالت وحاولت تبوظ وتعكر اللي بينا.. هو عارف ابنه وعارف عمر كمال من جواه عامل إزاي.. ده حبه جوايا زي حبي لأمي حاجة ربانية مهما يحصل هفضل أعشقه".
